Sot bëhen 75 vjet nga krijimi i Deklaratës Universale të së Drejtave të Njeriut.
Me këtë rast, presidenti i Shqipërisë, Bajram Begaj, ka thënë se ky dokument themelor ka shënjuar historinë e të drejtave të njeriut, përcjell Arbresh.info
Me anë të një postimi në Facebook, Begaj shprehet se Deklarata është ideal i përbashkët për të cilin luftojnë ta arrijnë të gjithë popujt dhe kombet.
Begaj përmend edhe rastësinë e bukur që në këtë 75-vjetor Shqipëria u zgjodh për herë të tretë anëtare e Këshillit të të Drejtave të Njeriut në OKB.
“Deklarata Universale e të Drejtave të Njeriut, dokumenti themelor që ka shenjuar historinë e të drejtave të njeriut, përkon sot me 75-vjetorin e krijimit. Deklarata e të Drejtave të Njeriut është ideali i përbashkët, për të cilin luftojnë ta arrijnë të gjithë popujt dhe kombet, që në mënyrë të sigurt çdo individ të gëzojë i barabartë dhe pa diskriminim liritë dhe të drejtat themelore njerëzore. Është një përkim i bukur që në 75-vjetorin e saj, Shqipëria u zgjodh për herë të tretë anëtare e Këshillit të të Drejtave të Njeriut në OKB. Institucionet tona do të vijojnë të mbrojnë dhe promovojnë të Drejtat e Njeriut për një botë me liri, drejtësi e barazi për të gjithë”, shkruan Begaj./Arbresh.info
Liga e Kampionëve e “mbushur” me futbollistë shqiptarë, dhje...
Meta përplaset me prokurorët e SPAK-ut në sallën e gjyqit
Hezbollahu goditi shtëpinë e plazhit të Benjamin Netanyahut,...
Konjufca priti në takim të rinjtë e Shkollës Diplomatike
Gashi: Me 43 nënshkrime, nesër kemi thirrur seancë të jashtë...
Blinken thotë se “tani është koha” për t’i dhënë fund luftës...